厭食症加抑鬱！姜紫藍新書險胎死腹中

由模特兒轉型做作家嘅姜紫藍（Color），日前喺書展為新書舉行簽書會，獲得唔少好朋友同讀者到場支持。Color指今次新書內容係講佢同愛犬「圓圓」嘅生活：「以獨居女系列嚟計，已經係我第五本書，入面講我同佢嘅生活點滴。佢好似人一樣，之前我隻腳受傷，佢竟然攬住我小腿喊天光，完全好似係我親人、男朋友咁。」

而早前Color曾喺社交網講過今年書展放棄出書，令唔少人好驚訝：「當時因為我患上厭食症，再加上本身自己有抑鬱症，身心完全承受唔到，唔想出一本冇質素嘅書，所以當時同出版社講唔出啦。但其實已經開咗個頭，已經搵晒資料，但有一晚我諗，我唔係半途而廢嘅人，我唔想放棄，所以再同出版社講，叫佢畀多次機會我，最後我喺截稿前交到。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。