佗得輕鬆！45歲蔡少芬挺巨肚跪低為囡囡影相

冒住高齡為老公張晉佗第三胎的蔡少芬（Ada），最近就帶埋兩個囡囡楚兒同信兒返咗張晉老家重慶過暑假，同行仲有張晉父母，佢哋逗留咗重慶一段時間之後，就全家去咗雲南大理玩，腹大便便嘅Ada穿上寬鬆長裙，清晰可見腹部已經隆起，估計已經懷孕5至6個月。雖然已達45歲高齡，但見佢全部都步履輕盈，行動敏捷，一啲都唔似孕婦，如同常人一樣。佢同張晉帶咗兩個囡去海邊玩水，Ada就拎住部相機，追住囡囡身後，為咗遷就兩個囡嘅高度，Ada仲跪低為佢哋影相，務求拍低珍貴嘅童年時刻，Ada睇實兩個女，而張晉就睇實大肚老婆，一家人樂也融融！

---------------

立即參加「賞您睇」：　http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。