囝囝帶病遊日　黎諾懿爆小春雞嘔到胃抽筋

藝人黎諾懿2014年與前港姐李潔瑩（Nicole）結婚，婚後育有囝囝小春雞（黎峰睿），一家三口相當幸福。二人不時將兒子的生活照上載到社交網，不過昨日Nicole上載小春沒精打彩、躺在梳化上的相片，並發文表示囝囝感到不舒服，不少網友都留言為小春雞打氣。

東網聯絡上黎諾懿，他表示：「因為囝囝咳咗成個月，諗住畀啲化痰嘢佢食，等佢咳啲痰出嚟，點知佢就嘔咗啲痰出嚟，但就嘔到胃抽筋，食咩都嘔，跟住帶佢睇醫生，令佢個胃放鬆番。依家好返啲嘞，所以見佢瞓咗喺梳化睇電視囉。」

黎諾懿透露早前一家大細到日了本旅行，囝囝已經帶病在身，他說：「因為家族每年都會去日本旅行，今年去北海道，因為太太個大嫂係日本人，所以每年都會過去玩，但今年囝囝今次就帶病過去，要病住玩，所以佢比較扭計，我哋就要辛苦啲照顧。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。