爆张致恒一脚踏五船　第四者现身：周一见

艺人张致恒（Steven）突然宣布结婚兼话做埋老窦，仲喺社交网甫出一家三口“全家福”照片晒幸福，原本一件好开心嘅事，竟然引爆“一脚踏五船”嘅消息！

Steven嘅旧爱梁皓恩（April）喺张“全家福”度留言爆出佢哋仲有关系：“我呢？你会唔会觉得你有嘢要同我讲？你想逃避到几时，一个电话都唔面对？你所有衫裤鞋袜同所有嘢都仲喺我度，你嗰啲爱我嘅message呢？先几日仲有喎？你仲争我好多钱，right？ 你唔打畀我嘅话，医院见。”

April嘅留言一出，好多网民都留言劝佢唔好做傻事，其中有一位网民留言自爆第四者嘅身份，仲透露竟然有第五同第六者嘅存在：“他这些天也跟我说他爱我！唔该april覆ig私信。受害者不是你一个，依家我仲有两个女仔等你。”睇番第四者嘅社交网，佢留言话：“你想让全世界知道你是个好人，但我们都让身边人知道我们是白痴。”疑是回应张致恒宣布喜讯一事，佢仲讲明“周一见”似有意公开证据爆同张致恒嘅关系。而喺7月1日第四者甫咗啲去钓虾场玩嘅相，其中一张系位男士，不过个样就用天狗公仔遮住咗，究竟呢位系唔系张致恒就不得而知！

---------------

立即参加“赏您睇”：http://bit.ly/2JWKULh

Click下面粒掣，储on.cc coins！机票、家电、超市礼券、过万份奖品等紧你。