《白色強人》32.1收視 郭晉安希望拍續集

20190726
東網電視
更多新聞短片
《白色強人》大收32.1點收視。
藝人郭晉安、馬國明、李佳芯、唐詩詠、何廣沛和黃嘉樂等,晚上現身電視城,出席劇集《白色強人》祝捷晚宴,大會筵開十圍,席場面熱鬧。該劇大結局7天跨平台總收視32.1點,吸引超過2,100,000觀眾收看,台前幕後可謂飲得杯落。他受訪時謂:「依家收視32.1點,多到0.9就好啦,收視愈多愈好。(開續集?)希望嘅,梗係原本班底啦,最好1年內,過兩、三年嘅話就拖得太耐,觀眾會淡忘。其實監製剪完片,都已經講要開續集。(你有檔期?)唔知㗎,不過要集齊咁多演員都幾難,大家都好忙。」
談到早前與11歲兒子往歐遊,他說:「其實我想佢認識唔同種族嘅生活,估唔到佢又幾捱得,有時落咗火車要推個篋行15分鐘。(下次兩仔爺想再有咩挑戰?)遲啲想去凍啲嘅地方。(囡囡冇呷醋?)我爭佢1次(旅行)囉,佢係一個好窩心嘅女仔,明白冇詐型。(太太冇擔心你哋?)日日報平安,最難忘係喺意大利拿玻里見到好多難民,旁人提醒我哋連手錶都唔好帶,最好連袋都唔孭,免得被搶,不過我哋唔係留得耐,全程都OK嘅。」
---------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。