蒲頭道歉!張致恒承諾重新做人

20190729
東網電視
更多新聞短片
張致恒終於現身!
藝人張致恒(Steven)日前宣布未婚做爸爸喜事,點知即時被爆一腳搭N船,被網友封做「世紀賤男」,佢仲連累埋老友關智斌(Kenny)開唔成騷,紅館夢碎!
Steven潛水幾日,佢終於喺ig蒲頭道歉,佢為為自己:「我很後悔辜負了Kenny、公司。我的惡行傷害了所有人,即使對每位被傷害的人道歉,亦不會得到原諒。 但我仍然想對各位再說一次:我犯了錯,我對不起你們!」又話會深切反省所有不負責任嘅行為,會真心悔改咁喎。
Steven話得未婚妻原諒,佢話:「很感激雯雯在了解過事情後仍然體諒我。我承諾會做一個負責任的人,好好照顧她和BB。 我會盡我所能去改過。我知道前面的路非常難行,希望各位能給我機會改過自新、重新做人。」希望Steven今次唔好再「死性不改」,做番個大人啦!
Steven出嚟道歉後,小四Moon都即時發聲,以一個字「哦」回應,睇嚟唔多接受呢個道歉喎!
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。