廿四孝老竇　藤木直人包到冚陪仔女去祭典

日本男星藤木直人，近排參演女星廣瀨鈴主演的晨早劇《夏空》扮演其體貼養父。2006年結婚的他，私底下亦是一名廿四孝老竇。剛於本月19日開騷慶祝47歲生日的他，翌日被雜誌拍到陪老婆及3名仔女，參與屋企附近舉行的夏日祭典活動。當日，藤木直人的仔女與同學一齊表演太鼓。女星矢田亞希子與前夫押尾學所生的仔仔亦有參與跳沖繩民俗舞，矢田亦戴上口戴及帽，低調捧仔仔場。

藤木直人亦積極參與仔女學校的活動，以往曾拍到出席學校的運動會，為免搶鏡，每次都戴冷帽現身，低調為仔女打氣，有時更為陪仔女出席同學的生日會。