容祖兒崩潰爆喊 睇見都傷心

2019年08月01日 16:29
東網電視
更多新聞短片
容祖兒準備開紅館騷啦!

天后容祖兒將於8月5日開紅館騷,早前推出新歌《悲觀生物學》,MV導演找來好友彭秀慧擔任,彭秀慧以祖兒跟男友分手一刻開始為MV的引子,之後帶出如何面對失去愛人、失去愛情的心情。在MV中祖兒有忘我地崩潰大哭的場景,彭秀慧稱事前特別跟祖兒多傾談有關表演、演戲方面,至於祖兒的演出值幾多分?彭秀慧說:「畀高分佢會囂,畀低分佢可能會失落,所以八十分啦,我希望佢仍然知道我對佢係仲有更加多嘅幻想同要求。」

首次擔任MV導演的彭秀慧,表示要向香港所有拍MV的導演朋友致敬,覺得比起電影和舞台劇,拍MV是一件很不容易的事,她說:「對好多人嚟說,廣東歌市場很有局限,所以唱片公司喺投放資源上,有好多考慮,要喺好有限嘅資源中發揮創意。」她說因拍攝只得一日時間,必須要跟時間競賽:「喺呢一日入面,我揸咗呢個Artist喺手嘅時候,我可以做啲咩呢?呢個係一個追時間嘅考驗。舞台劇同電影嘅劇本好多時都係自己寫,但MV你點樣拍都好,其實都係唱緊首歌,最後你希望能夠成全首歌。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。