羅志祥轉行賣米?「失散兄弟」爆笑回應

2019年08月03日 06:50
東網電視
更多新聞短片
神相似!

台灣藝人羅志祥早前踏入40歲,佢嘅好友潘瑋柏喺社交網甫咗張相同佢講生日快樂,不過張相怪怪地,個樣同羅志祥九成似,但係啲衣着就土好多,完全唔係慣常嘅Style,羅志祥仲留言回覆話:「可以不要打擾我上班嗎哼。」唔通呢位鄉土味咁重嘅真係羅志祥?

原來呢位仁兄都好出名,佢就係有「南寧羅志祥」之稱嘅內地人蒙俊源,佢本身係米舖老闆,十幾年前就有人覺得佢好似羅志祥,因為好多人嚟睇佢有幾似,結果令到佢舖頭生意大增,蒙俊源話爆紅之後除咗識多咗好多人之外,以前做乜嘢,依家都係繼續做,生活上都冇乜受到困擾,仲話:「我賣米,歡迎來看」。其實上年羅志祥已經發現到「替身」嘅存在,亦曾經喺微博發文引起大家嘅關注,唔少網民搞笑話佢哋咁似樣會唔會係失散兄弟?

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。