打台妹Pat Pat!羅家英跪低認錯

2019年08月04日 16:18
東網電視
更多新聞短片
羅家英攞正牌撩台妹。

藝人羅家英出席ViuTV節目《臺灣文西Only You》記者會,節目內他攞正牌撩台妹。席間問到香港女仔定台灣女仔好些?他即賣口乖:「香港女仔好啲,因為香港女仔精明、能幹、漂亮、爽快、夠惡。」似乎講緊太太汪明荃。期間他與年輕女生玩遊戲模擬激嬲女友要認錯,他更即場下跪認錯,全場起哄。

受訪時講到家英在節目內打台妹Pat Pat,他笑言已忘記為甚麼要這樣做,可能要懲罰她:「如果打手板又太普通,打Pat Pat有啲話題,為節目着想,都係被迫。(以為你喺屋企打慣?)我係畀人打慣咗。」問到他在屋企打Pat Pat定跪多啲?他說:「冇試過跪,除咗做戲,真實唔會咁做。(你做錯嘢點樣叫太太原諒?)死都唔認錯,拗頸。(最後會氹番?)梗係啦。(點氹?)佢好講道理嘅。(但你做錯嘢?)做錯嘢都有道理,死都拗番生,唔認錯,最多唔出聲,打不還手,罵不還口。」

他又分享兩大絕招:「少見面,少傾偈。(所以你成日走去拍戲冷落太太?)都係,但唔係冷落,係過冷河。(小別勝新婚?)係呀。(所以你唔陪佢去睇醫生?)佢都唔陪我睇醫生啦。」問到可會畀太太睇節目?他說:「梗係會,畀佢學吓嘢,佢做《娛樂大家》好多觀眾睇,等佢學嘢。」他又講到節目內與台妹在酒店玩蒙眼遊戲,不慎被女生用膠棒扑頭。
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。