再拍無綫劇!羅仲謙有3女相伴玩埋HeHe

2019年08月04日 23:10
東網電視
更多新聞短片
羅仲謙相隔3年再拍無綫劇。

型男羅仲謙(謙仔)相隔3年再次為無綫拍劇,將夥拍「綠葉王」韋家雄開拍新劇《木棘証人》(暫名),講到由互不相識到結為好兄弟,中間還加插「HeHe親熱戲」,劇情牽涉推敲、懸疑之餘亦有喜劇成分。謙仔今次將周旋於「三張」張曦雯、張秀文及張文慈之間,近日忙於新片宣傳的他,將收拾心情投入《木》劇的拍攝工作,日前他秘密入院,一口氣脫掉4隻智慧齒,望以最佳狀態重現視圈。

他笑說:「近排我白咗,會爭取時間曬黑啲先開工,同埋要收少少身,話晒『三張』都係出名『瘦女』嘛!今次我同張曦雯同張秀文都有感情線,張文慈就演我家姐,會盡情享受呢兩個月嘅拍攝時光。」

張文慈再續前緣

而「升呢」與謙仔戲份相若的韋家雄,角色可謂為他度身訂造。據悉,他與張文慈上次於劇集《跳躍生命線》內發展到「友達以上」,觀眾相當受落,希望二人能夠「行前一步」,故《木》劇將「乘勝追擊」,安排二人修成正果。張文慈於劇中鍾情「有錢仔」韋家雄,主動死纏爛打求愛,她昨日接受電話訪問打趣說:「自己拍拖一向比較被動,要我作出咁大嘅逆轉,真係好考功夫,好彩我演技好咋,哈哈!知道監製安排我哋再續前緣,都係開心事嚟嘅。」

而剛與愛妻旅行返港的韋家雄談到有機會與謙仔「拍住上」,即謙稱:「謙仔戲份多啲,佢先係男一,不過我真係好鍾意個劇本,角色好特別,自己會好努力咁去演。其實私底下我同謙仔都好熟,以前合作過,應該會有默契。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。