邀得学友做嘉宾　祖儿：入行最大份花红

天后容祖儿的红馆骚《PRETTY CRAZY JOEY YUNG CONCERT TOUR》，迎来“歌神”嘉宾张学友，身穿黑色西装套装的学友于祖儿唱出《这麽近那麽远》时现身，全场Fans为台上的“歌神”、“歌后”对唱起哄！<br/><br/>预告再为祖儿做嘉宾<br/><br/>唱完后，祖儿兴奋不停反问自己是否发梦，学友笑说：“我要多谢祖儿就真，呢首歌系我写，佢唱就帮我增加版税，其实我哋差一辈。”祖儿接话：“边度系？我读中学就听你嘅歌！你啲歌冇年龄界限。”搞到学友大笑话祖儿好畀面：“通常啲人都会话系小学听我唱歌、或者父母听我嘅歌大。咁你唱多啲我嘅歌，下次我再嚟做你演唱会嘉宾！”<br/><br/>歌神赞天后战斗力强<br/><br/>及后祖儿又自爆曾揸车撞花学友的座驾，相当大胆！学友笑笑口话记得这件事，并再讲起英皇老板杨受成于祖儿入行初期向他介绍，可惜一直都冇机会合作：“佢依家已经系人哋嘅偶像，你啲Fans真系识拣！我都系一个好挑剔嘅人，唔容易赞人，但我觉得祖儿系现今乐坛具备晒所有条件嘅歌手，佢对唱歌好有热诚、谦虚、努力，佢会挑剔自己，又敢于挑战。睇佢以前嘅访问，佢自认跳舞硬手硬脚，好似讲紧我咁，我跳舞都似一旧木，依家佢跳舞，大家对眼系离唔开佢，佢系我嘅后辈，佢好值得佢嘅后辈向佢学习。”全场Fans听到拍烂手掌！<br/><br/>学友问杨受成攞花红<br/><br/>祖儿打趣比喻20周年演唱会能“出动”学友做嘉宾，等于收到入行20年来最大份花红，学友闻言即向坐在观众席的杨受成“追数”，讲笑话：“咁你要出花红畀我喇！”再讲到祖儿在甚么时候下邀请学友做嘉宾，学友说是在健身室：“佢走埋嚟问‘我可唔可以⋯？’，我就一口应承话‘得啦！’，祝你演唱会成功！”接下来二人再合唱多一首学友的金曲《真情流露》，祖儿卖口乖话：“企学友哥哥隔篱好安心，似食咗静心。”笑翻全场！<br/><br/>---------------<br/>立即参加“赏您睇”：　http://bit.ly/2JWKULh <br/>Click下面粒掣，储on.cc coins！机票、家电、超市礼券、过万份奖品等紧你。