突然多個19歲兒子　林盛斌唔知點面對

藝人林盛斌（Bob）飛往馬來西亞為鼠年賀歲片《財神2020》開工，預算逗留在當地一個月。談到今次當上電影男主角，他表示非常開心：「故事係講我因為得到法力，由窮爸爸變成富爸爸，不過後嚟知道錢唔係萬能，好值得大家反思。」劇情更涉及父子情，講述Bob與19歲兒子的相處，他笑謂：「突然間有個咁大嘅仔，呢個有少少難度，事關我個大女都係得11歲咋。搞笑戲容易，要我扮認真就真係有啲難度。」

有傳他今次片酬相當豐厚，Bob未有正面回應，只打趣回答：「錢唔係最重要，（片酬）夠我食千幾碗雞絲河粉，再加幾十碟排骨麵啦。今次投資方好有誠意，係之前我去雲頂做嘢，佢哋特意上嚟同我傾劇本。（囡囡趁暑假飛過嚟探班？）唔會喇，佢哋喺加拿大度假，返嚟就要準備開學，依家都有同佢哋視訊通話，保持聯絡。」

---------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。