結婚3周年！王賢誌送驚喜畀另一半

藝人王賢誌（Vinci）現身飲品店開幕，他稱一直有意跟另一半Kevin經營咖啡店，但舖租太貴加上人手流動快，故一直未能成事：「依家啲人話唔返工就唔返工，老闆都要走去洗碗。開間咖啡店招呼朋友係幾開心，但係做到連放假時間都冇就好辛苦。」

另外，本月1日是Vinci與Kevin結婚三周年，他表示當日約了一班好朋友一齊食飯慶祝：「我哋喺加拿大結婚，一周年去咗沖繩，兩周年喺歐洲，都冇喺香港慶祝過，所以我就臨時興起三周年不如搵朋友一齊慶祝，想畀個驚喜Kevin，我叫所有朋友都唔可以透露半句畀Kevin知。Kevin問我去邊度慶祝，我話我會搞，叫佢唔使理，淨係負責整紮花就可以，佢都估唔到有咁多人喺現場，不過佢又唔會好感動。（佢會唔會想二人世界？）唔需要，我哋日日都見。」

---------------

立即參加「賞您睇」：　http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。