【喜逢第二春】細廿歲女友情墮65歲羅莽

現年65歲的武打藝人羅莽喜逢第二春！他於1989年喪妻之後，一直未聞有新戀情或再娶，但原來他於2011年已經再覓到意中人，與相差廿年的內地女子拍拖，至今已經走過八年的日子，羅莽今接受訪問，承認戀情，並指大家兩情相悅，拍拖拍得相當開心，並已發展為同居關係，問到有無考慮再婚？他謂：「依家呢個年代唔同，只要大家開心就得，唔需要搞咁多嘢、咁鋪張，但都唔排除將來會考慮。」

問到女友有何吸引之處？羅莽笑言：「大家喺性格上會互補長短，平時就佢教我講普通話，我教佢英文，佢以前係內地開股票公司，所以對投資都有一定心得，我都有畀錢叫佢幫我投資。」

談到近況，羅莽指自己將首度演出舞台劇《夜谷賓館》，他直言於劇中飾演劊子手，角色有很多變化，非常喜歡，現正全副心機去積極綵排，希望將最好的帶畀觀眾。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。