卫诗雅畀布公仔“上身”　即搵师傅画符

艺人卫诗雅及林德信演出的惊栗悬疑电影《双魂》，剧组特别赴马来西亚取景，更到“吉隆坡三大凶宅”之一的荒废大宅拍摄主要戏份，一众演员直言是胆量挑战，卫诗雅指于拍摄现场遇到灵异事件！

卫诗雅指由于大宅太猛鬼，剧组早已安排当地一位驱鬼大师“驻场”，她说︰“因为二楼最猛，所以全层都封咗，我们只用天台同三楼拍，剧组还安排真系驱鬼师傅上镜演出，如果有咩事都可以帮到我哋。”更指有演员本打算到二楼探险而发生的奇怪事︰“当日有一个新演员入组，佢唔熟悉拍摄现场，导演好顽皮叫佢有时间去二楼探险。佢嚟到化妆间同我哋讲一齐去，当时我好惊、好大反应，叫佢唔好去，当我讲完有支水从枱上跌落嚟，但系支水本来放得好稳阵，全部人静晒，即刻讲唔好意思，唔会去二楼。”

她又透露戏中与一只公仔做对手戏，当拍摄近尾声，自己竟忽然坚持要将公仔带回香港︰“本来对只公仔都有啲抗拒，但突然想带佢返屋企，仲已谂好放边度。工作人员同师傅都觉得唔妥，最后师傅将公仔画道符处置去。”

---------------

立即参加“赏您睇”： http://bit.ly/2JWKULh

Click下面粒掣，储on.cc coins！机票、家电、超市礼券、过万份奖品等紧你。