【離婚8個月】楊冪同前JYP男星傳拍拖

2019年08月09日 08:50
東網電視
更多新聞短片
畀胎記出賣咗!

內地藝人楊冪上年年尾同劉愷威宣布結束近5年婚姻,呢日突然爆出楊冪有新戀情,佢同前JYP娛樂藝人着住情侶裝行街兼睇展覽!

事緣有網民喺微博Po出一對男女嘅背影相,兩個都係戴帽、口罩配短褲兼同款波鞋,該網民話係曾經簽過韓國JYP娛樂嘅30歳內地藝人魏大勛,同女朋友拍拖嘅證據,女方嘅身份立即引起網民嘅興趣,細查之下發現佢左腳小腿位置有一個胎記,對比之下竟然同現年32歲嘅楊冪係一模一樣,而女方嘅打扮同楊冪之前喺機場現身時好相似,加上魏大勛曾經公開講過讀大學時就已經好鍾意楊冪,而且佢哋喺早兩日七夕時,相約組隊打機玩通宵!種種迹象都指出佢哋有拍拖嘅嫌疑!

事件瞬間喺網絡炒熱,當事人之一嘅魏大勛喺微博發文澄清,佢留言話:「只是跟朋友逛個街,謝謝大家關心!」雖然佢咁講,不過唔少網民都唔太相信,覺得着情侶鞋出街,加上七夕呢啲日子約埋打通宵機,絕對唔係朋友咁簡單。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。