長期分隔異地！佛系李彩華話老公出軌冇得避

藝人李彩華（Rain)出席音樂劇《羅密歐與茱麗葉》酒會，透露老公Eric身在內地工作，自己亦忙於綵排舞台劇，自日前七夕節慶祝後，已有幾日沒有見面，她說：「當日我飛瀋陽同佢食餐飯，都有花收，我同老公唔係成日見，覺得咁反而好啲，日日見感情冇咁激烈！（最耐幾多日冇見？）都有兩個月，靠視像囉，但再見番又好陌生。（老公會突然畀驚喜你？）應該唔會，佢都唔知我身處地址，同埋又怕醜。（唔擔心佢出軌？）冇得避，要出就出，就算日日睇實都有機會，成日諗住仲提心吊膽，好大壓力，關係更加唔好。」談到生B進度，Rain笑指待完成手頭上工作，預計明年年中實行。

至於葉童透露將於10月演出5場舞台劇，近日已埋首綵排，她說：「好開心同啲演員練習，每日好似上堂咁，因為一直以為自己有經驗，原來仲可以有進步空間。」

--------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。