組合Robynn & Kendy出席視聽展，Robynn表示有一段時間沒見大家，亦是首次這樣跟大家分享音樂，所以剛才見到大家投入聽音樂時都有點感動。問到兩人可會買套hi-fi設備？兩人笑言：「冇位擺，又超貴，雖然唔知幾錢。」問到Robynn婚後工作可有減少？她笑言：「結婚同工作冇衝突，老公都好支持，反而最唔慣係叫『老公』，會毛管戙，可能都仲係結婚冇耐，結咗半年少少，但佢叫我老婆就順口啲，我就再習慣吓。」

而講到Robynn 8月30日33歲生日，問到可會去旅行慶祝？她表示：「未諗，想低調，其實同先生嘅生日差兩日，都頭痛緊買咩禮物。」Kendy就笑言：「你哋可以一人買一邊喇叭畀對方，變相半價咗。」Robynn笑言：「都好，迫佢聽我哋啲歌，或者買部相機畀佢，叫佢影多啲我哋嘅相。」她又謂跟同門的李幸倪同期生日，可以一起慶祝。工作方面，她們透露最近忙錄新歌，希望可以盡快推出新歌給大家聽。