想湊仔又想開工 岑麗香點抉擇?

20190810
東網電視
更多新聞短片
香香有仔萬事足!
藝人岑麗香(香香)與林欣彤(Mag)出席商場活動,香香透露試過角色扮演做神奇女俠,還親手做了套服裝,她說:「我以前係讀時裝,成日車衫,做奇神女俠件衫好容易,一日搞掂。」Mag大讚香香厲害,又謂自己未試過做衫,反而試過將衫改細:「因為我比較細粒,有啲衫買返嚟太大要改細,特別歐洲衫都要改。」
香香囝囝Jacob已五個月大,重17磅,她表示平時抱住囝囝已是最好的運動,有次還高估自己,獨自用孭帶帶囝囝出街散步:「出去時仲好輕鬆,回程返屋企時已唔得,真係好攰。(幾時復工?)公司都有畀機會,我都有諗,自已都有癮,有嗰團火,但見到Jacob日日有驚喜,好開心,所以我要學識放低囝囝先,好似今朝出嚟做嘢畀媽咪湊,出門口前我要唱歌畀佢聽先。(快啲再生多個先)我想畀多啲時間Jacob先。」
而簽咗新公司的Mag將會有一連串動向,月尾出新歌,年尾會有演唱會,現已積極籌備,表示會好好保養身體及勤做運動,為保養靚聲,她謂平時甚少飲凍飲品。問到見香香湊仔咁開心,會否都想有小朋友?她說:「我未ready做媽咪,對象都未有,而且仲想係事業上再衝刺,有小朋友就會唔捨得。」
--------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。