黑到痹！周筆暢打風被困高速公路網上求救

超強颱風「利奇馬」登陸內地，唔少地方都出現嚴重水浸，歌手周筆暢喺微博發文，透露原本要去上海拍嘢，冒住風雨坐車出發，過程好似坐船一樣不停搖晃，幾經辛苦終於到達片場，點知片場停電冇辦法錄影，節目組即時安排車畀周筆暢送佢返酒店，上到高速公路架車竟然死火，咁佢同工作人員就困咗喺高速公路，無奈嘅佢喺網上求救，問大家有乜辦法可以解決依家嘅困局！

隔咗一段時間，周筆暢喺網上報平安話已經返到酒店，佢仲留言話麻煩到大家唔好意思：「謝謝大家關心。給大家添麻煩了。請把更多的關心給予臨海以及其他重災區。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。