#MeToo 男模自爆被Katy Perry剝褲當眾露械

20190813
東網電視
更多新聞短片
男模爆被Katy當眾剝褲露械。
美國男模特兒Josh Kloss周日於社交網留言自爆曾被樂壇天后Katy Perry性騷擾,令他在派對中當眾露體!
他說:「件事發生在Johnny Wyjek嘅生日派對上。當我見到佢(Katy Perry),我哋有擁抱,佢仍然係我暗戀對象,但當我轉身向朋友介紹佢時,佢就拉低我條運動褲及內褲,佢嘅朋友同其他人都見到我嘅陰莖。你有冇想像到我當時感覺到幾咁可悲同尷尬?」Josh表示留待目前才爆料是因為覺得#MeToo運動只關注女性受害者,所以他感到有必要在MV推出的週年紀念日挺身而出為自己發聲。Katy暫時未回應男模性侵指控,不過Katy的朋友就反擊力斥Josh講大話老屈Katy,而Johnny亦有於社交網否應Josh對Katy的指控。他說:「我唔會讓你對我朋友作出咁嘅指控。呢個簡直係廢話。Katy從來唔會做啲咁嘅嘢。我哋都知道自從拍攝MV當日以來你一直都對佢(Katy)着迷。」而Josh亦有回應指事發時有好多人在場,仲叫Johnny在攻擊他之前問Katy有冇做過,她絕對不會講大話!
Josh曾於2010年在Katy的MV《Teenage Dream》中演出過,他飾演Katy的男友,二人於MV中有火辣床戲。除了爆被Katy性侵之外,他亦自爆拍MV的薪酬低僅得650美元(約5,070港元),自覺被Katy利用。