被爆「造假」　譚嘉儀生日買花畀自己？

歌手譚嘉儀前日（13日）31歲生日，人緣甚好嘅佢就獲大批藝人好友為佢舉行Party慶祝，當中包括何雁詩、鄭俊弘、羅天宇、羅孝勇、翟威廉及周志康等，場面相當熱鬧！

譚嘉儀喺社交網大晒多張生日靚相，見佢又收花又收蛋糕咁，收穫非常豐富，不過竟然被爆「造假」，係佢自己買99支玫瑰畀自己嘅？

佢留言向好友致謝：「尋晚嘅生日 Party 真係好開心 ！ 一收到呢一紮花嘅時候，真係好驚喜，點知威廉同呀（阿）康就話：『嘉儀！做咩買花比（畀）自己呀？』笑死我......多謝你哋每一個，仲要多謝你哋給我的3個蛋糕即係有3個願望。真係好靚！唔捨得食呀！」睇嚟佢哋都係講笑啫，有咁多人錫使乜自己花錢買呀？！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。