昆頓否認新片抹黑李小龍　李香凝回應：收聲啦！

李小龍女兒李香凝早前炮轟昆頓塔倫天奴（Quentin Tarantino）新作《從前，有個荷里活》（Once Upon a Time...in Hollywood）醜化其父親。昆頓日前受訪時仍死撐表示李小龍是有點自大，仲話畢彼特（Brad Pitt）的特技人角色是有機會殺死李小龍。「小龍女」不滿昆頓解釋再次在訪問中炮轟他！

她說：「佢應該收下口。那會真係好。或者佢可以道歉又或者可以說：『我真係唔知道李小龍係點。我只係為我套戲而寫個角色。所以大家唔應該當成為佢（李小龍）嘅真實情況。』佢嘅回應最令人困擾嘅一點係，佢一方面想講到係真實，另一方面又要虛構。昆頓可以隨意塑造李小龍，而佢就做到呢一點。而唔係話畀人知李小龍就係咁。咁樣實在太虛偽！」