耍大牌唔理人?小S爆林志玲婚後巨變

2019年08月15日 10:27
東網電視
更多新聞短片
林志玲結咗婚就唔理人!

台灣名模林志玲6月閃嫁日本男團EXILE 37歲成員AKIRA,唔只網民震驚,就連佢嘅好友徐熙娣(小S)都話大吃一驚!小S與老拍檔蔡康永最近為新節目接受訪問時,被問到志玲婚事,兩人都對其老公身份感到好錯愕,小S:「他(AKIRA)完全沒有在我們人生中出現過,也沒聽過他的名字,結果她居然嫁給他。」蔡康永仲形容對方係「神秘的存在」:「因為我大概三年前有聽過,有一位日本人是在名單裏,可是然後再沒有提過這個人了!」

兩人都話完全唔知情,但小S都冇嬲豬,為對方搵到幸福而開心,不過就大爆對方「重色輕友」結咗婚就好招積唔理佢哋,小S不屑咁話:「她現在結了婚之後,整個人就跩起來了,就消失了,完全不理我們!」蔡康永就笑稱,新一季節目應該要捉林志玲嚟好好拷問一下!

---------------
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。