【Re U之選】圈中姐妹組隊撐容祖兒

2019年08月15日 10:34
東網電視
更多新聞短片
真係台上台下都咁星光熠熠。

英皇歌手容祖兒紅館演唱會引起全城哄動,個個都爭住睇,變相成為朋友間Reunion活動之一,就連圈中唔少姐妹團都組隊睇騷,今次就有胡說八道會、趙希洛同王君馨、鍾舒漫、鍾舒祺等,兩Pair人成班姐妹咁啱都去咗睇尋晚(14日)個騷,李施嬅仲趁機同任表演嘉賓嘅Tim@Dear Jane重逢,開心到呢!

胡說八道會成員李施嬅、胡杏兒、胡蓓蔚、黃智雯加埋趙希洛就五人成團,之後佢哋去到後台竟然唔係同主角容祖兒合照,而係同Tim攬實Selfie,原來李施嬅同Tim曾一齊讀訓練班,入行第一年又同Tim一齊做TVB明珠大使,佢又大讚對方唱歌進步咗,不過講嘢就仲係一舊舊。而另一姐妹團就有王君馨、鍾舒漫、鍾舒祺,佢哋High爆跟住一齊大合唱,又跳晒舞咁,睇得非常盡興!

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。