開騷又出事!祖兒自稱奶媽撩洋漢「求愛」

2019年08月15日 14:44
東網電視
更多新聞短片
好明目張膽呀!

天后容祖兒的演唱會昨晚踏入第十場,是晚請來樂隊Dear Jane任嘉賓。祖兒台上說:「Dear Jane同我可以話係一見如故,一拍即合,第一次合作,由Dear Jane嘅Howie為我作曲嘅《心之科學》就攞到好好成績。」

Howie表示本身想寫首歌畀女仔唱,寫完之後就覺得一定希望是祖兒唱,好開心祖兒又喜歡首歌。主音Tim表示十分多謝祖兒,年初他們開紅館演唱會,祖兒未等他們開聲就已經主動話mark期來支持。祖兒笑道:「嗰日我見你幾個有嘢又唔講,個口含住包嘢咁,既然知道你哋開騷就心照啦,我咪主動講囉。」

Jackal話:「因為我哋band房少女仔上來,突然之間唔知點好,好緊張。」祖兒笑說:「 你知唔知我都好少男仔朋友㗎,我身邊人全部陰氣好重……」Dear Jane即說:「咁我哋一齊玩多啲啦!又既然係咁,我哋不如約定再合作啦,再寫多首歌畀你!」祖兒聞言十分開心:「係咪㗎,好呀!既然《心之科學》難得咁好成績,咁你哋去開拓教育系列啦,心之體育,心之……」引得觀眾大笑。繼而大家再合唱《習慣失戀》作結。

每晚祖兒坐高空飛船升上山頂同山頂朋友唱歌,都帶來歡樂萬分,歌迷已經學會早有準備,用紙寫上:「我要唱歌。」昨晚有人寫「雖然我病咗我都想唱」、又有人寫「我老婆生日所以要唱」,更有歌迷頭戴搞笑蟹帽博祖兒望到,逗得觀眾及祖兒都非常開心。除了香港歌迷之外,更有日籍歌迷到場,舉大字報話要唱歌。祖兒見對方遠道而來又很有誠意,當然給予機會,日本歌迷努力唱完一段歌之後,雖然沒有人聽得到明唱甚麼,但全場都報以熱烈掌聲鼓勵,非常有愛。另外又有一個來自英國男歌迷,祖兒撩他:「Hello,Do you love me?」男歌迷答:「Forever!」令祖兒十分開心,事後她說:「歌迷真係好好,好識氹我開心,我開場話我會盡力做,如果佢哋係iphone,我就係奶媽,幫佢哋叉滿電,但其實歌迷先真正係我奶媽,每晚佢哋都幫我注進無窮無盡力量,非常感謝!」

此外,每晚演唱會勁歌熱舞,祖兒都十分小心,不希望行差踏錯弄傷自己影響十多場的演出,不過前晚她的人工智能mic stand自動回旋時,反彈力太強,祖兒返到家才發現撞瘀了耳仔!她也於IG上跟歌迷分享了這個小意外:「真係越(愈)跳越(愈)起勁,尋晚返到屋企發現隻耳仔瘀咗,唔怪得知跳緊嗰陣覺得有一下痛痛地(哋)啦,好彩唔係冚親個咀(嘴)咋,唔係就嚇親大家啦!繼續一切順利!」而胡杏兒、黃智雯、胡蓓蔚、李施嬅、姚子羚、關心妍、Robyn & Kendy等等均有來捧場。

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。