躲於衣櫃窺探!許靖韻自爆曾愛得卑微覺委屈

2019年08月15日 15:18
東網電視
更多新聞短片
許靖韻全新EP收錄了她這一年的故事。

歌手許靖韻(Angela)今日‌(15日)推出全新EP《My 25》,EP收錄了Angela這一年的故事。過去一年,對廿五歲的她來說並不平凡。從內地選秀節目《創造101》出發,到站上《歌手》舞台,她的願望一一達成。因此EP不同的造型也代表着不同階段的她,充滿少女味的露肩紗裙;剪裁獨特的牛仔套裝,盡顯野性一面;盤起長髮配搭黃色,滲出成熟女人味,黑色girdle款上衣,型格十足。

至於音樂方面,則收錄了不同語言風格的歌曲,她表示有歌曲初收到歌詞時,並未完全理解意思:「唱咗好幾次先感覺到歌詞想表達嘅嘢。首歌係想講嗰種同對方嘅關係唔係真正嘅情侶,好曖昧,好似偷情但又唔知邊個係第三者嘅感覺之餘,又唔想結束呢段感情,係一段好模糊嘅關係,沒完沒了咁同對方喺一齊。」

MV男主角找來爆肌演員謝允出任,整個MV大部分時間刻意採用偷拍角度,帶出一種窺視的感覺,Angela經常躲於衣櫃內窺探外面的世界,她說:「衣櫃入面嘅我其實只不過係一個幻想,又或者係我嘅一啲回憶,畀我回憶番同男主角各種好甜蜜嘅情節。但係其實衣櫃裏面嘅我究竟係邊個?呢啲就留係俾觀眾一個幻想空間。」提到拍攝難忘事,Angela說:「我同男主角有鬧交情節,一路鬧、我一路想喊,因為通常我一畀人鬧就想喊。」

問到現實中是否也「卑微過」?Angela坦言:「之前有一段關係就好似今日拍攝當中嘅一啲情節,好卑微,感覺好委屈,但係就係想同對方繼續一齊,我覺得每個人都會經歷過咁樣嘅一段關係。」其後她又自爆是「和平主義者」:「我唔鍾意嗌交,我希望同對方有一個好和平嘅關係,互相了解,生活協調,反正佢對我好就好啦。」

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。