胡定欣冇替身搏到盡 譚俊彥怕囡囡暗戀張振朗

20190815
東網電視
更多新聞短片
一眾演員為劇集《包青天再起風雲》宣傳。
藝人胡定欣與譚俊彥出席無綫劇集《包青天再起風雲》宣傳,並找來一班小朋友分組比賽,期間定欣與傅嘉莉分別心口藏住吹脹氣球,於限定時間回答問題,惟定欣的氣球最終也爆破,嚇得她呱呱大叫。事後她直言驚慌,混亂間左手手腕也有損傷,她說:「有得揀我會揀唔玩添啦,不過都要諗計點宣傳。」更指戲中打戲未夠喉,當中一場於沙漠頂碌下去戲份更是親身上陣,另一場策騎戲卻因韁繩斷掉,最終成日人飛落地,幸好沒有大礙。
而譚俊彥則笑指女兒情傾現場一位男小演員,問到是否已為女兒揀男友?他說:「都要培養佢睇靚仔,如果佢暗戀張振朗我會驚,之前拍戲佢打嚟唔係搵我,係搵佢,所以我唔會畀佢哋見,仲有何廣沛都係。」
讚梁舜燕生前敬業
談到同劇的資深藝人梁舜燕(Lily)日前病逝,譚俊彥表示心情仍沉重:「我成日都張國強講笑,女演員淨係可以車Lily姐返屋企,佢拍呢套劇時身體已經唔係太好,希望佢一路好走。」定欣就透露近年與對方於《城寨英雄》及《同盟》也有合作,大讚對方敬業,即使拍到半夜也堅持開工:「佢有講過好鍾意拍嘢,所以唔拍唔得,寧願夜瞓去就番開工時間。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。