畀小朋友叫行開　方力申用咩方法挽回面子？

藝人方力申（小方）為無綫節目《娛樂大家》錄影，自言向來不懂說謊，再加上反應慢半拍，玩遊戲時很容易被識穿，另一遊戲就怕出聲講錯，根本不知以甚麼策略應付，故認為擔任嘉賓甚有壓力。

身為游水教練的他，笑指為了一班小朋友學生而來，他說：「以前上節目為咗增加知名度，依家啲小朋友成日睇電視，所以上電視係想加強喺佢哋心目中嘅受歡迎程度，因為依家啲學生對我好陌生，見我行埋去就真係會叫我行開啲，所以我要挽回面子。」

而將於11月初參加環島泳慈善賽，小方表示預計需要12個小時才完成：「依家多數都係游10公里，今個星期約咗一班游開海嘅泳手一齊練習，嘗試游18公里，希望攞吓感覺，但最驚係體力透支，同埋驚皮膚會有磨損，仲要練點喺水度食嘢，依家基本上每天都練水。」

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。