慳得就慳!李旻芳孭起未婚夫Cheap拍婚照

2019年08月15日 23:10
東網電視
更多新聞短片
李旻芳玩Cheap婚~即係慳住嫁!

無綫《東張西望》主持李旻芳早前宣布封盤,與男友黃耀英結束6年愛情長跑,將於11月5日舉行婚禮,由於籌備婚禮時間緊迫,故二人已加快進度,早前便被東網拍得睇金器及試低胸婚紗,期間一對新人更情到濃時雙雙起舞,非常甜蜜。

日前二人便動身拍攝婚紗照,可能是婚禮已花掉不少積蓄,所以李旻芳甘願放棄出埠取景,改為留港消費,更省卻一切花巧布置,僅選址一個全白色場地作為拍攝主景,再加上少許花的裝飾配合,就連服飾也堅持一套到尾,非常簡樸。

廿四孝老公黃耀英當然乖乖接旨,拍攝時與老婆交足功課,既有佻皮扮咬太太鼻哥,二人亦有情深依偎,當然唔少得冧爆咀嘴,影得興起之際,李旻芳更「反串」孭住黃耀英,非常有趣。

李旻芳直言起初沒想過拍攝婚紗照,她說:「我淨係想簡簡單單留到結婚當日先執Snapshot,不過每次同身邊朋友講,佢哋都話一定要影,話影咗到時唔鍾意先算,唔影就驚會後悔,所以最後說服咗自己。」更指因不太喜歡公式化婚紗照,認為取景點及拍得靚與否非重點,反而能夠捕捉他們內心交流最為重要:「所以我哋都冇咩花巧,每人都係得一套衫,喺香港租個全白色嘅場地,乜都無,簡簡單單,但影嘅過程都好開心,所有嘢都比預期中好,連花藝師整嘅所有裝飾擺設都好啱心水!攝影師又完全捕捉到我哋嘅交流!效果好唯美,好滿意!」

--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。