點解會Friend?唐詩詠楊洛婷姊妹遊晒床照

2019年08月16日 02:11
東網電視
更多新聞短片
原來係好姊妹!

藝人唐詩詠同楊洛婷一個拍劇一個做主持,睇落冇乜交雜大纜都扯唔埋,但係佢哋竟然係好姊妹仲會一齊去旅行,究竟佢哋係點認識變Friend?呢日佢哋分別喺社交網上載去台灣玩嘅相,齊齊着住浴袍喺張床到攬攬錫錫,佢哋仲話今次經歷咗地震、打風同航班取消,但係都無損佢哋嘅心情。

唐詩詠留言解釋佢哋點解會做到好朋友:「同年佢係香港小姐,我剛剛拍完《四葉草》,風馬牛不相及的兩個人,一齊主持一個旅遊節目,佢中文唔識多個(但要做主持),兩個星期去咗五個地方,食咗好多奇怪有趣嘅昆蟲,唔知點解佢好鍾意食,我們經歷了很多但也不及這一次,十幾年後終於再去旅行仲要係悠長假期,仲要人生第一次經歷地震,我哋每次相遇都有啲奇怪事發生!」而楊洛婷就留言話今次係佢哋相識15年嘅紀念之旅,所以要專登揀番當年拍節目嘅地點緬懷吓,仲話好多謝唐詩詠一直喺身邊鼓勵佢要做得好啲。

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。