黃翊莫鎮賢下月開騷 預告爆圈中恩怨情仇

2019年08月16日 15:15
東網電視
更多新聞短片
黃翊(右)笑莫鎮賢好多恩怨情仇。

藝人黃翊、莫鎮賢今日現身新城電台宣傳9月兩場的群星演唱會,黃翊透露屆時會大唱90年代金曲,同Fans一齊開Party:「計埋嘉賓有11個人,個個都好多口水。(Overrun會罰錢。)罰都係罰主辦單位,關我鬼事!呢啲嘢我唔理㗎!最緊要觀眾Happy,到時會好多嘢講,講幾廿年前啲恩怨情仇、打小報告。」莫鎮賢即刻插話:「我冇㗎!」黃翊抵死笑話:「你一定有嘅!文佩玲唔喺度啫!」問到其太太可會到場支持?他表示:「佢依家在家休息,多人嘅地方就唔係咁適合去,佢睇番報導就得。」

另外,二人表示正密鑼緊鼓練歌、練舞,問到可有壓力?黃翊坦言會有無形壓力:「上年年尾先開咗個個人騷,皮膚變差、又生壓力瘡。」莫鎮賢反而對售票有壓力:「不過知道啲飛賣得都OK,希望到時開騷可以帶歡樂氣氛畀大家。(有冇周身飛債?)都有,但分得幾好。」


---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。