為年尾演唱會排舞!天堂鳥自爆發生靈異事件

2019年08月16日 16:04
東網電視
更多新聞短片
天堂鳥喺農曆七月十四排舞發生靈異事件!

男子跳唱組合BOP(天堂鳥)今日上新城電台宣傳新歌《重新》,他們表示重回初出道去電台宣傳一樣:「都有成3年冇去電台,好多節目都第一次上,好開心見番好多朋友,唔同之前去內地宣傳,會珍惜同記者傾偈,依家有好多嘢想表達,有人讚我哋有經歷,講嘢唔同咗。」

正值新歌宣傳期又要準備年尾演唱會,三子指每日都忙於排舞,9月才正式地獄式訓練,他們自爆練舞期間發生靈異事件:「每晚排舞都排到好夜,前日冇留意到係農曆七月十四,跳跳吓舞去到中段嗰陣啲音樂突然跳針,又快又慢,當下就知咩事,但都跳埋成首歌先走。(要畀『人』睇埋先?)係呀,哈哈!(咁到時你哋演唱會實『全院滿座』!)承你貴言!(之後有冇去拜拜?)有,一落樓下就見到好多人燒街衣。」

講到成員Lincoln於MV中首脫,問到MV點擊率有上升?他笑話有將連結分享給好友:「有女性朋友都話估唔到我操到咁Fit,我以前係肥仔。(女性朋友係緋聞女友鍾晴?)佢都有睇。」至於成員Gordon同Tyrese就話要留到演唱會先脫。

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。