浸浴期間休克!石詠莉報平安:因禍得福

2019年08月16日 16:32
東網電視
更多新聞短片
石詠莉話依家身體冇大礙!

歌手石詠莉(Sukie)上新城電台宣傳新碟《Nostalgia》,興奮指意想不到新碟在馬來西亞及加拿大成績不俗:「反應好好,好感恩!諗住廣東歌淨係Focus喺香港市場,都好想去當地宣傳、開音樂會。」

講到日前被老公大爆浸浴期間出事休克,Sukie大派定心丸指現時身體並冇大礙:「因禍得福,依家識有個叫過度換氣綜合症,吸入過量嘅氧氣,會全身抽搐,當情緒激動就會易引發,女性亦都比較易引發,但冇生命危險,重緊要有屋企人喺身邊,慢慢咁呼吸就冇事,但要忍受全身抽筋嗰時會痛,呢次係自己大意,浸太耐又瞓着咗。」

她又自爆剛接下一個以靈異為題材的舞台劇,因為是朋友誠邀,最後收友誼價:「諗咗好耐接唔接,之前做舞台劇都有啲驚嘅經歷。(老公鄧健泓有咩意見?)佢係其中一個導演嚟!呢齣舞台劇做得嚟都過咗農歷七月。(第一次做靈異題材?)係呀,都有聽過好多都市傳說。(接受做殭屍?)咁就真係要豁出去,化醜妝我OK,跳出自己框框先有意思。」又自嘲不是靚女,可以趁有機會殺出血路。

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。