預告將出新碟!小塵埃新歌同大家打氣

2019年08月16日 19:55
東網電視
更多新聞短片
小塵埃首次公開唱新歌,心情好興奮!

組合小塵埃今晚出席網上音樂平台直播活動,席間率先演唱新歌《轉·變》,他們透露月尾才到電台派新歌,首次唱Live心情好興奮:「前幾日先聽到首歌嘅完整版,覺得好鼓勵到自己,呢首歌都係上年去斯德哥爾摩個Writing Camp同外國人創作。內容係講我哋嘅經歷、得着、進化史,希望都同大家打打氣。」又謂期待舉行新歌發布會,並預告將推出最新大碟:「大約喺9、10月,會有8至10首歌,有啲係喺瑞士寫,有啲係喺呢兩年嘅創作,會有新嘅曲風同元素。」

提到原定上星期日跟同公司全體歌手舉行廣東話音樂會,惟因考慮近日情況以及交通狀況,大會決定延期舉行,小塵埃表示詳情要留待公司於月尾宣布,問到要延期會否覺得可惜?他們說:「唔會,延期可以有多啲時間準備,今次有揀好多經典歌,我哋都要時間學識,然後用自己嘅風格再演繹,又可以有多啲時間同其他歌手夾歌。」

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。