半月板裂韌帶脫離 小豬再受傷行路趷腳

2019年08月17日 06:30
東網電視
更多新聞短片
好嚴重!

藝人羅志祥(小豬)之前錄綜藝節目時整傷膝頭,原本醫生建議佢做手術,不過因為休養期好長,所以小豬決定靠自己慢慢好番,點知上星期再次整傷,結果導致半月板裂咗同埋韌帶脫離,今次真係手尾長!

佢經理人喺社交網上載幾張相片留言:「最近大家看到小豬走路怪怪的,是因為上周工作的關係、有個動作讓他的腳在着地時重心沒抓穩、導致膝蓋的韌帶跟半月板受傷~他本來想讓自己慢慢好起來!但我發現他好像愈來愈嚴重了、今天終於有時間來看醫生幫他打類固醇的藥,在他的膝蓋上減緩疼痛了~謝謝大家的關心!」據醫生所講,小豬嘅情況起碼有兩、三個月唔可以做劇烈運動,如果患處持續出現痛楚,因為唔可以不停打類固醇,所以要做「PRP增生療法」。唔少網民都留言集氣,希望小豬可以快啲好番。

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。