撞鬼!吳肇軒心儀對象6年前被謀殺

2019年08月19日 16:35
東網電視
更多新聞短片
吳肇軒同張蔓莎合作。

藝人吳肇軒於ViuTV劇集《理想國》內扮演一名影片後期剪接師,劇情交代他搬新屋後,與扮演其鄰居的張蔓莎飾因制水意外而變得好熟,繼而漸生情愫,豈料後來才發現對方其實已於6年前被謀殺身亡。拍攝當日吳肇軒以一身不修邊幅的造型現身,他說:「我平日返公司都係咁樣,除非預感會撞到好多朋友先執正啲,同女仔約會嗰陣,就會靚仔到連鏡頭都認唔到我添呀!」張蔓莎亦大爆吳肇軒不修邊幅,見盡其真實一面:「我反而覺得呢個造型好似平時嘅佢。梗係有好多私底下先知嘅啦,不過我唔講啦,怕影響佢嘅形象。」

而現實生活中吳肇軒未試過向鄰居展開追求攻勢,所有街坊都是他兒時玩伴:「以前會同住隔籬嗰啲出去玩、踢吓波呀。依家就唔好講話拍拖啦,新搬入嚟嘅連相識嘅機會都未必有。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。