老竇認喜訊！36歲梁靖琪再婚兩個月造人成功

現年36歲嘅藝人梁靖琪（Toby）早兩個月再婚，當時佢話同老公Jon都好鍾意小朋友，而且爸爸媽媽都好恨「抱孫」，講明努力造人：「希望目標兩個啦！」近日傳出喜訊，有指Toby願望成真有喜，真係恭喜晒！據知佢已經懷孕4個幾月，計番數原來結婚時已經造人成功。為咗安心養胎，出名鍾意做運動嘅Toby近期已經盡量減少，而佢趁個肚仲未大到行動不便嘅情況，佢同屋企人去咗旅行，見佢着住厚身衫完美遮住腹部，似乎未想將呢個喜訊咁快公布。

東網向Toby求證時，她就賣關子表示：「邊個話畀你知㗎？有好消息一定通知你。（有指你已懷孕4、5個月？）有咁嘅傳聞咩？總之有好消息會公布啦！」不過向梁家樹問及女兒Toby有喜一事時，他就大方承認：「是的。」真係恭喜晒呀！而好姊妹湯盈盈就話：「開心事等佢自己宣布，大家畀啲時間佢啦，哈哈。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。