造人睇個天!陳山聰婚禮從簡唔搵兄弟撐

20190820
東網電視
更多新聞短片
陳山聰準備做老襯。
藝人陳山聰多年來情路崎嶇,最終覓得貼心另一半,11月將告別單身,認真恭喜!他直言原本打算9月入紙申請結婚後才公開喜事,卻率先被東網獨家踢爆婚訊。心情大佳的他現身西貢,為主演新劇《大步走》首日開工,身邊拍檔兼好友姚子羚戥他高興,禁不住取笑山聰:「娶到咁好嘅老婆,你真係三生有幸!」談到籌備婚禮,山聰說:「始終佢(未婚妻Apple)唔係圈中人想低調,最緊要係簽字啫,冇兄弟、姐妹團,亦都唔會接新娘,簡簡單單同屋企人及朋友食餐飯,開心一晚囉。(預算擺幾圍?)10圍、8圍,唔想驚動太多人。(婚照?)影咗,不過我要求高,慢工出細貨,依家唔係大家睇住。」
當被問到求婚經過,他表示一點也不浪漫:「佢去年生日求嘅,不過當時大家都已有共識,覺得係時候。本來《大》劇10月就煞科,點知拍攝期延後,我同監製商量,佢話我都係請1、2日假,影響唔大。(蜜月要遲啲先?)呢樣冇所謂,反正我哋平時有假就去旅行。」山聰被指「發B寒」,當被問到婚後是否全力造人,他靦覥謂:「睇吓有冇時間,同埋都要睇過天,盡量啦。」子羚即說:「佢不停喺我哋群組放B女片呀。」山聰表示該BB女其實是未婚妻甥女,與他特別投緣:「今次劇裏面我演劉穎鏇嘅爸爸,都湊吓B提升吓父愛啫。」
對於遇到Apple,山聰坦言感恩,並謂與對方志趣相投:「大家都鍾意周圍搵嘢食,佢又好識照顧人,放假煲湯畀我飲,仲會連我身邊人都有份。」他坦言拍拖五年以來,大家共同經歷了開心及不快事,每日都相當難忘,而Apple善解人意,給予山聰足夠空間,是位相當貼心的女生。
至於子羚打算於拍劇收工後,為一對新人舉行告別單身派對,她又忽發奇想:「我哋成班兄弟姐妹都未試過一齊去旅行,今次可以諗吓趁山聰結婚,大家搞番個旅行團都幾開心。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。