再傳婚變？黃曉明認囝囝對佢稱呼有改變

內地藝人黃曉明同Angelababy（Baby）結婚四年，早兩年囝囝小海綿出世，一家三口好幸福。不過近年經常傳出佢哋婚變嘅消息，雖然早前黃曉明出聲明闢謠，近日Baby帶小海綿出街玩唔見黃曉明嘅身影，離婚傳聞再次出現！

其實近日黃曉明正為飾演消防員嘅新戲宣傳，所以先至少咗時間陪囝囝，呢日佢接受訪問時被問到，掛住工作見少咗囝囝會唔會有遺憾？佢話囝囝2到3歲呢個年紀每日都變化緊，好在家人都會拍片畀佢睇囝囝嘅成長，仲自爆有次同囝囝玩緊時，話想相處關係似兄弟多過似父子，點知隔咗一陣囝囝即刻改口叫佢做「爸爸哥」！從佢分享囝囝生活講到咁冧，就知佢雖然好忙但係都好錫囝囝。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。