夾期有難度 李麗珍廖碧兒為新劇趕工

2019年08月22日 18:09
東網電視
更多新聞短片
唔知效果如何呢?

藝人李麗珍、廖碧兒合作演出ViuTV處境喜劇《娛樂風雲》,兩人日前更一起為該劇趕工,劇情講到李麗珍相約了飾演經理人的廖碧兒在餐廳為其姨甥仔談藝人合約,李麗珍笑言勾起了不少童年回憶:「呢個情節同我細個好相似,因為以前都係媽媽幫我傾藝人合約,不過有一次自己偷偷哋去拍廣告,屋企人直到廣告出咗街先知道,好彩最後媽媽冇鬧我!」李麗珍又透露最近要趕拍戲份,全因之後要跟劇組請假,飛往加拿大幫囡囡準備開學。

廖碧兒則表示由於劇集涉及太多演員,夾期有一定難度,所以一開工就要連踩多場戲,不過廖碧兒指經常與她有對手戲的陳國邦和袁富華等都是玩得之人,拍攝期間更會一起吃零食,氣氛融洽愉快。


---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。