【唔想食齋食死】馬浚偉入行26年首開騷
藝人馬浚偉入行26年,毋忘歌手出身,不過從未在港開演唱會。他決定10月至11月在演藝學院舉行7場處男騷,每場600人,其中10月26日是他正日生日!當日,周慧敏會擔任嘉賓,一班好友如陳志雲、泳兒、JW、釗峰、余香凝和樂隊spACE亦已答應做嘉賓。

今日馬浚偉舉行記招,多位朋友到場支持,包括傷健人仕,其中抗癌勇士歌手李明蔚亦上台為他打氣,並以動作表示會在演唱會上為馬浚偉伴舞。說話困難的李明蔚,仍好努力說話,馬浚偉幫她傳譯,她說:「我好堅強,唔好放棄,會愈來愈好。」馬浚偉稱場館外會設有專賣李明蔚的CD、手作乾花的攤位,款項作為幫補她醫治費用。

馬浚偉稱原本有人建議他在較大的場館開騷,但他拒絕:「我睇到陳潔靈喺呢度開過,好好,音響又靚,寧願少啲人開多幾場,堅持喺呢度開,依家人同人好疏離,好想同人近啲。」他透露明日便開始跑步練體能,笑言演唱會不會騷肌,因只瘦到得棚骨,他說之前用錯方法食齋,致營養不良:「之前血壓低心跳慢,因為我唔食得花生同堅果,食得唔平均,淨係食菜、麵包同蛋,但又keep住體能,搞到頭暈同貧血,中西醫要我食番肉,唔想食齋食死,但每個星期會食番兩日齋。係自己太高估自己,食齋時仲繼續跑步打羽毛球同踩單車。」他自認生活太有規律,「唔煙唔酒唔蒲」,笑言太檢點。

馬浚偉又透露明年想到澳門讀中醫,希望讀兼讀制課程,望五至六年完成,笑言屆時自己給自己針灸,執藥煲藥醫自己。

---------------
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。