陳曉華唔認翻撻狄以達：未Ready拍拖

港姐十位決賽佳麗今日出席記者會，陳曉華與劉穎鏇（Tiffany）兩位師姐，於現場選出心目中冠亞軍之選，陳曉華選了1號黃嘉雯、7號楊詠彤和6號陳熙蕊。最近忙於卸任工作的陳曉華，亦要為此而減肥，她謂：「希望我揀呢三個其中有一個會係冠軍啦！」提到有指她與狄以達翻撻，她謂：「嗰日係同啲朋友食飯，因為之前拍劇冇時間，依家冇諗拍拖，心態、時間都未Ready，工作先，我同佢都係朋友嚟，都有聯絡。（會否再有機會發展？）冇諗咁遠，暫時就冇，事業為先。」

Tiffany的心水佳麗分別是1號黃嘉雯、7號楊詠彤和8號古佩玲，她指自己選古佩玲因為自己參選時同為19歲，想起自己當年，覺得對方年輕參選好有勇氣。她亦指黃嘉雯很有氣質，說話有自信。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。