衣着出晒事!周杰倫歎咖啡嚇走全舖客人

2019年08月25日 08:50
東網電視
更多新聞短片
都話出事嘅啦!

周杰倫貴為天王級歌手,喺亞洲區有好多粉絲,呢日佢去幫襯一間人氣咖啡店,點知一入到去就嚇走晒成間舖啲客!

事緣周杰倫10月開演唱會,趁呢段時間就去咗日本散心,見到一間好多人排隊嘅咖啡店,咁就諗住入去Hea吓,點知一坐低,職員就請佢調位,去一個角落度坐,隔咗一陣啲客人全部埋單走人,最後佢變咗包場歎咖啡,正當好奇發生乜事時?老闆走埋嚟同佢講,原來係佢衣着出事!因為佢嘅打扮太似江湖大佬,搞到客人怕咗佢所以全部急急腳走人,最後老闆仲叮囑佢下次想幫襯,千萬唔好再咁樣着衫!

睇番啲相,周杰倫身穿黑底花襯衫配上一條黑色寬褲,頭戴招牌毛毛帽加黑超,唔想有佢嘅呢個遭遇,大家去日本都要避免咁嘅打扮!

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。