底褲都濕晒　袁富華夏天拍冬裝變水人

藝人袁富華及廖碧兒日前為ViuTV處境喜劇《娛樂風雲》開工，演員在炎炎夏日穿上冬天裝束拍攝，雖然劇集不少情節都以辦公室為背景，可歎住冷氣開工，但一拍外景時，袁富華就笑自己是「水人」，自爆有時連內褲也會濕透：「服裝同事都知我大汗，換戲服嘅時候底衫都會準備多件畀我，但係下半身最入面嗰件就麻煩啲，換唔到囉！服裝都係角色一部分，可以幫助演員入戲，同埋演員係種好奇怪嘅生物嚟，一入咗個角色就唔怕熱，最多係一停機就不停流汗！」

至於廖碧兒劇中飾演袁富華的下屬，二人經常有對手戲，她透露暫時只收到部分劇本，仍不知道結局如何，不排除劇集會「添食」：「劇情之後有好大空間發展，有冇得添食就要睇Ben哥（袁富華）同陳國邦個期喇！佢哋比較忙，我就豁出去奉陪到底！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。