暗戀顏子菲？吳雲甫：考慮吓啦！

藝人顏子菲與吳雲甫到黃埔接受電台訪問，兩人原來早在加拿大讀大學任職模特兒時已經認識，最近更一起教彈床健身班，十分老友，顏子菲笑說：「依家都不斷考緊一啲國際性健身牌照，諗住將來返加拿大照顧父母，都可以喺嗰邊搵工作。」顏子菲與吳雲甫先後由加拿大返港參選亞姐及香港先生，在港不時相約一班加拿大之友包括林嘉華、周家蔚等食飯，吳雲甫取笑顏子菲說：「佢食嘢好清淡，所以冇乜人同佢食飯。」

顏子菲又笑謂其實吳雲甫一直暗戀她，問到兩人可有機會發展？吳雲甫笑說：「吓，考慮吓。其實我依家都算係佢四份一個老闆，因為佢喺我個studio教班，如果一齊嘅話，就變咗佢係我老闆。」顏子菲笑說：「要考慮？咁割席啦。我知道佢唔係鍾意我呢個類型，同埋大家識咗太耐，感覺似屋企人。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。