婚後大突破!林師傑赤膊騷肌攬美少女拍MV

2019年09月03日 16:04
東網電視
更多新聞短片
林師傑第一次拍MV有女主角!
星夢歌手林師傑之前和同門譚嘉儀及伍富橋合唱劇集《好日子》主題曲《有你多好》,最近還獨唱了《十二傳說》之主題曲《傳說》,師傑對此十分興奮:「因為老婆歐陽巧瑩有份參與此劇拍攝,有陪佢一齊研究劇本,巧合地自己有幸唱主題曲,知道劇集成績好,好開心呀!」
日前新歌拍攝MV,請來big big channel美少女游嘉欣擔任女主角,他笑言:「第一次拍MV有女主角,一定係老闆覺得我結婚後要有啲不一樣嘅突破,仲要係一個只得19歲嘅美少女,即刻覺得自己年紀大係叔叔喇。」
今次MV導演構想用魔法的情節,特別找來資深魔術師現場即席教授他各種竅門,要表演好多小魔術,如變火同玩啤牌:「導演提我要Chok住個有型樣,好彩自己都有小天分,唔會喺大家面前太失禮。」其中一個逃脱表演,導演更要求他赤裸上身出鏡,他表示:「好彩平時有努力操肌,但都即刻要求停機做幾下掌上壓谷一谷,不過都怕太出位,結果拍咗着背心同赤裸上身兩個版本,等完成後睇效果再決定最後推出邊一個。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。