同區嘉雯演母女 李蕙敏嗌興奮做定功課

20190904
東網電視
更多新聞短片
李蕙敏同區嘉雯飾演母女,佢話開心又興奮!
歌手李蕙敏(Amanda)參演由張之珏執導的舞台劇《但願人長久》,榮幸可跟資深舞台劇前輩區嘉雯演母女:「同區嘉雯姐姐做對手又興奮又開心,要打醒十八個精神,因為佢係第一代香港話劇圑嘅中流砥柱,第一次同佢開會已經感受到佢好好戲,佢又唔係產量非常多,我哋角色交流幾多、幾緊要,所以我一早做足比正常多嘅功課,雖然我拍咗六十幾部電影又提過名,但講舞台劇經驗,我喺佢身上學到好多嘢,同之前拍電影係好唔同嘅範疇。」
Amanda又說在《但》中,因媽媽身患絕症,故長期要處於掙扎、憂鬱、煎熬的情緒,每次排及演完戲都感心翳,最難忘一場戲是:「喺最尾嗰場戲,我要表達晒心翳、掙扎嘅情緒,我個故事亦都冇一個真正的結局,都係伴住病咗嘅媽媽,好似做人冇乜希望咁,所以我每次演完都要輕鬆吓,調整番個沉重心情。」
她又以「微妙」形容和導演張之珏的緣分,當時她演出網台節目時遇上對方,張之珏稱喜歡她的歌後就問她可有興趣演音樂劇,數月後獲邀請演出《但》劇,Amanda又話珍惜角色:「多數都係搵我演性格好強角色,演弱小嘅角色就好少,所以覺得今次好有挑戰性。」她說聽到朋友看完舞台劇後,啟發到要思考人生,令她覺得好感動。
---------------
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。