爆Baby做慈母縱阿仔　黃曉明自認係惡爸爸

近日參演內地綜藝節目《中餐廳》第三季嘅黃曉明，因為喺節目中「霸道總裁」上身而被笑有「中年王子病」，雖然唔知係佢真性情定係節目效果，但就「帶挈」佢頻頻上熱搜成為話題。而佢喺節目中除咗晒演技，久唔久又會透露吓自己嘅私人生活，就好似最新一集中佢就提到同老婆Angelababy（楊穎）嘅育兒方向。

咁啱大陸演員楊紫問到黃曉明係咪對阿仔「小海綿」講嘢溫溫柔柔，黃曉明表示會：「我會說『兒子你好可愛！』，我面對孩子是毫無抵抗力的，但我會比媽媽（Baby）兇一點，奶奶和媽媽太寵他了，一定要有人兇才可以，不然孩子就無法無天了！」唔覺意透露咗佢係個惡爸爸，喺屋企做「衰人」角色，似乎同佢喺節目中嘅「總裁」形象差唔多喎。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。